بھٹکل 11 فروری (ایس او نیوز) بھٹکل  تعلقہ کے جملہ 16 گرام پنچایتوں میں سے 8 گرام پنچایتوں میں آج جمعرات کو صدر اور نائب صدر کا انتخاب عمل میں آیا جس میں  چھ گرام پنچایتوں میں کانگریس کے حمایتی ممبران صدارتی نشست پر قابض ہوئے، ایک میں بی جے پی  حماییتی اور ایک میں آزاد اُمیدوار صدر منتخب ہوا۔

ذرائع سے ملی اطلاع کے مطابق بیلور، ماولّی ون،  کائیکنی، بینگرے اور کونار میں کانگریس حمایتی ممبرس صدر اور نائب صدر منتخب ہوئے ہیں ، شرالی میں کانگریس کی  حمایتی ممبر صدر مگر بی جے پی حمایتی ممبر نائب صدر منتخب ہوا ہے۔ ماولّی ٹو میں بی جے پی حمایتی ممبران کی تعداد زیاد تھی مگر  کانگریس حمایتی ممبران کے  تعاون سے   آزاد اُمیدوار  صدر منتخب ہوئی  جبکہ یہاں نائب صدر کے عہدہ پر بی جے پی حمایتی ممبر کوکامیابی ملی۔

تعجب کی بات یہ رہی کہ  ہیبلے گرام پنچایت میں کانگریس حمایتی ممبران کی تعداد زیادہ رہنے کے باوجود بی جے پی نے یہاں کمال دکھایا اور بی جے پی  حمایتی ممبر صدر کے عہدہ پر منتخب  ہوئی،   یہاں نائب صدر کے عہدہ پر بھی  بی جے پی حمایتی ممبر کو ہی  کامیابی ملی۔

خبر ملی ہے کہ  ہیبلے میں کانگریس کی حمایت سے   مسلم خاتون کو   صدارتی انتخاب کے لئے  کھڑا کیا گیا تھا ، مگر اسے  اس کے اپنوں نے ہی ہاتھ دکھادیا اور  دو  ووٹوں سے شکست کھانی پڑی۔

بھٹکل تحصیلدار دفتر سے جاری  پریس ریلیز کے مطابق منتخب  صدر اور نائب صدر  کی تفصیلات اس طرح ہے:

خیال رہے کہ آج جمعرات کو 8 گرام پنچایتوں میں صدارتی اور نائب صدارتی انتخابات عمل میں آئے تھے، بقیہ آٹھ گرام پنچایتوں کے  لئے صدر اور نائب صدر کے لئے کل جمعہ کو  انتخابات منعقد کئے گئے ہیں۔